द्रुतमार्गमा एक लाख बढी रुख काट्दै सेना

२७ माघ, हेटौंडा । राष्ट्रिय गौरबको आयोजना निजगढ-काठमाण्डौं द्रुतमार्ग (फाष्ट ट्रयाक) निर्माणको काम गरीरहेको नेपाली सेनाले मार्ग निर्माणको लागि १ लाख भन्दा बढी रुख कटान गर्ने काम थालेको छ ।

मंसिर २७ गतेबाट निजगढ क्षेत्रमा साढे ९ किलोमिटर क्षेत्रको १३ हजार ६ सय रुख कटान गरेको सेनाले अहिले मकवानपुर खण्डको १२ हजार रुख कटान थालेको हो । कटानको कामका लागि अहिले २ सय ६५ जना नेपाली सेना खटिएका छन् ।

कटानको लागि बुदुने क्षेत्रमा २ सय, लेनडाँडा र सिस्नेरी खण्डमा गरी ६५ जना सेनाले रुख कटानको काम गरीरहेको सहायकरथी तथा विकास निर्माण संयोजक भरतबहादुर खड्काका अनुसार छन् । १४ गतेबाट मकवानपुर खण्डमा काम थालेको सेनाले मार्गमा पर्ने १७ बटा सामुदायीक र राष्ट्रिय बन क्षेत्रका १ लाख १४ हजार रुख तिन महिना भित्र काटिसक्ने लक्ष्यका साथ काम गरिरहेको बताइएको छ ।

पहिलो चरणमा रुख कटान पछि निर्माणको काम थालिने सेनाले जनाएको छ । सेनाले अहिले ६ लेनको मार्ग निर्माणको स्विकृती अनुसार कटानको काम गरेको हो ।

मानिसले मात्र काम गरी नसक्ने भएकाले निजगढ क्षेत्रमा ७ र मकवानपुर खण्डमा अहिले ४ वटा एक्साभेटरसहित अन्य इलेक्ट्रोनिक मेसिन जंगे आरा, बञ्चरोको प्रयोग गरेर कटानको काम गरीरहेको छ । दु्रत मार्ग निर्माणको लागि सेनाले १० ठाउँमा क्याम्प निर्माण थालेको छ ।

निर्माण थालेका मध्य ५ वटा निर्माण सम्पन्न भइसकेको छ भने अन्य निर्माणको क्रममा रहेको सहायकरथी खड्काले जानकारी दिए ।

सेनाले निर्माण थालेको क्याम्प मध्य मखुवेसी, सिस्नेरी दोभान, लेनडाँडा, बुदुने र बागदेवको काम सहिएको छ भने खोकना, ठिंगन, राजदमार र अधेरीमा निर्माण बाँकि रहेको बताइएको छ । कुल ७६ दश्मलब २ किलोमिटर मार्ग ४ बर्षमा निर्माण सम्पन्न गने गरि सेनाले काम थालेको हो ।
२०६६ कार्तिक २३ गते वाट ट्रयाक ओपनको काम सुरु गरेको नेपाली सेनाले २०६९ फागुन २७ मा सकेपछि सरकारलाई हस्तान्तरण गरेको थियो ।

ललितपुरको खोकनाबाट मकवानपुरको ठिंगन हुँदै वागमती नदीको किनारा बाट सिमात र बकैया खोला भएर बाराको निजगढ सडक खण्डमा जोडिने द्रुतमार्गमा ५० मिटर भन्दा लामो ४० वटा पुल र अन्य सानातिना ८० वटा पुल निर्माण हुने द्रुतमार्गमामा मकवानपुरको ठिंगनमा एक हजार ३ सय मिटर लामो सुरुङ खनिने बताइएको छ ।