प्रेम प्रकरणले अस्ट्रेलियाका उपप्रधानमन्त्रीको राजीनामा

प्रेम सम्बन्धले अप्ठयारो स्थिति आएपछि अष्ट्रेलियाका उपप्रधानमन्त्री तथा नेशनल पार्टीका प्रमुख बार्नवी जोयसले पदबाट राजीनामा दिएका छन्।

सत्ता साझेदार पार्टीका नेतासमेत रेहका जोयसकी प्रेमीका गर्भवती भएपछि सञ्चार माध्यमले यसबारा खबर निकै महत्वका साथ प्रकाशित गरेका थिए।

नैतिक रूपमा देशका उप प्रधानमन्त्रीले पदबाट राजीनामा दिनुपर्ने आवाज उठदै आए पनि केही दिनदेखि जोयस आन्तरिक छलफलमा ब्यस्त थिए। तर, शनिबार उनका अन्य महिला सँग पनि उठबस रहेको समाचार आउन थालेपछि बाध्य भएर जोयसले पार्टी र उपप्रधानमन्त्री पदबाट राजीनामा दिने निर्णय गरेका हुन्।

जोयस आफ्नै पार्टी कार्यालयमा काम गर्ने पूर्वकर्मचारीसँगको प्रेम सम्बन्धका थिए। उनले यही सोमबार हुने पार्टीको बैठकबाट आफूले पार्टी प्रमुखबाटसमेत राजीनामा दिने जानकारी दिएका छन्।

उपप्रधानमन्त्री जोयसको आफ्नै पार्टी कार्यलयमा काम गर्ने एक महिलासँगको प्रेम कहानी करिब ३ साताअघि मात्र सार्वजनिक भएको थियो। विपक्षी तथा आफ्नै दलका केही नेतालेसमेत जोयसले राजीनामा दिनुपर्ने माग गर्दै आएका थिए।

Setopati