साम्राज्ञीको इन्स्टाग्राम दुनियाँ

चलचित्र क्षेत्रमा छोटो समयमा नै चर्चित बनेकी नायिका साम्राज्ञी राज्यलक्ष्मी शाह रिजर्भ बस्छिन् । मिडियामा चलचित्र चल्ने समय बाहेक अन्य समयमा उनलाई भेट्न मुश्किल नै पर्छ ।

तर, साम्राज्ञीको सामाजिक संजालमा एउटा छुट्टै दुनियाँ छ, जसबाट उनका हरेक गतिविधीलाई नियाल्न सकिन्छ । हुनत, कहिलेकाही यहि दुनियाँले उनलाई तनावमा पनि पारिदिन्छ । केहि समय अगाडि मात्र इन्स्ट्राग्रामको एक तस्बिरले साम्राज्ञीलाई तनावमा पारिदियो । आफ्नो गोप्य अंगको तल खोपिएको ट्याटु इन्स्टाग्रामबाटै सार्वजनिक भएपछि साम्राज्ञी विवादित बनिन् ।

तर, उनी यहि दुनियाँबाट नै फ्यान र मिडियासँग जोडिएकी छिन् । इन्स्टाग्राममा दर्शकले उनलाई सफ्ट र हट दुबै अवतारमा देख्न पाउनेछन् । नेपाली चलचित्रका अधिकांश नायिकाहरु इन्स्टाग्रामको दुनियाँमा बढी रमाउने गरेका छन् । साम्राज्ञी पनि त्यही दुनियाँकी एक पात्र हुन् । जसलाई २ लाख ५६ हजार भन्दा बढीले फलो गरेका छन् ।